Le Eímear Nig Oireachtaigh
Is í Caoimhe an chéad duine atá ag rá go bhfuil an iomarca á déanamh aici. Is léachtóir í in Ollscoil Chathair Nua Eabhrac, agus bíonn sé ag múineadh in Ionad Ealaíon na hÉireann atá thall. Chomh maith leis sin, bhí sí ar dhá choiste ag am éigin, agus dul amach go hócáidí beagnach gach oíche. Saol an duine óig i Nua Eabhrac – an bhrionglóid! Ach stop sé sin go léir nuair a thit an phaindéim amach. Anois, tá gach rud ar líne, agus tá an deis aici sos a thógáil (anois is arís!). Nuair a chuirim ceist uirthi faoi, faighim léargas ar an saol i Nua Eabhrac. Dar léi, bíonn gach uile dhuine i Nua Eabhrac ag oibriú go dian, agus tá dhá phost ag go leor duine thall ann. Cé go bhfuil sí sásta leis an saol sin, luann sí nach bhfuil sé do gach duine, agus beidh ort áit éigin eile a phiocadh mura bhfuil tú ag iarraidh an cineál saoil sin.
Bíonn sí ag múineadh litríocht agus gearrscéalta san ollscoil, le tosaitheoirí sa teanga. Cheap mé go raibh an difríocht idir an tír seo agus Meiriceá chomh suimiúil nuair a bhí mé ag múineadh daltaí ó Mheiriceá, agus dúirt sí go díreach an rud céanna. Tá meon go hiomláin difriúil acu nuair a thagann sé chuig an nGaeilge, tá siad i bhfad níos dearfaí. Ní mhothaíonn siad an brú céanna is a mothaíonn daoine sa tír seo, toisc nach bhfuil an teanga bhainteach leis an náisiúnachas atá acu, ach lena bhfréamhacha in Éirinn. Gach seans go dtéann na fréamhacha sin ar ais go dtí an naoú haois déag, agus mar sin ní mhothaíonn siad go bhfuil an ‘locht’ orthu nach bhfuil an teanga acu. Déanann sé sin post an mhúinteora i bhfad níos éasca, toisc nach bhfuil ort dul i ngleic leis na réamhchlaontaí atá acu, agus tú ag múineadh.
Tá Caoimhe ag baint an-taitneamh as a saol i Nua Eabhrac, gan dabht. Ach ní féidir leat labhairt faoi Nua Eabhrac gan labhairt faoin gcostas. Is é an costas an fáth go mbíonn a cairde ag bogadh ar ais go hÉirinn nuair atá páistí acu, toisc nach bhfuil an t-airgead acu (nó ag mórán daoine i ndáiríre!) páiste a thógáil thall. Luaigh Caoimhe go gcosnaíonn sé $60,000 do bhliain amháin i scoil phríobháideach i Nua Eabhrac. Ar ndóigh, níl ort é sin a íoc, ar ndóigh, agus tá na scoileanna poiblí iontach maith ann freisin. Ach céard faoin bpáiste a thabhairt ar an saol sa chéad dul síos? $20,000. Gan trácht ar an gcostas atá ag árachas sláinte. Leis sin ina hintinn, tá Caoimhe ag smaoineamh faoi bhogadh ar ais go hÉirinn taobh istigh de deich mbliana, ach ceapaim féin go ndéanfainn an rud céanna!
Má tá tú ag iarraidh éisteacht le Caoimhe ag labhairt faoina post, rinne sí agallamh an-suimiúil ar ‘Bladhaire’ i 2019. Níl ort ach a hainm a cuardach ar shuíomh Raidió na Gaeltachta chun í a aimsiú: Caoimhe Nic Giollarnáith.
Drop us a comment!